Li ser tifaqa qirêj a di nabera dewleta tirk û PDK’ê de Asayîşa PDK’ê li gelek herêm û gundên Zaxoyê gef li koçeran xwarin ku herêmê vala bikin
Li ser tifaqa qirêj a PDK’ê dewleta tirk herêma başûrê Kurdistanê kêlî bi kêlî radestî leşkerên artêşa tirk tê kirin. PDK’ê bi dijminê gelê kurd re hevkariyê dike ku komkujiyan pêk bîne. PDK’ê gelek herêmên di bin serweriya pêşmergeyan de valakir û li şûna pêşmergeyan leşkerên tirk lê bi cih kir. Dîsa pêşmergeyên di bin kontrola PDK’ê de parastina leşkerên tirk ên ku kurdan dikuje dikin. Ev tifaqa qirêj bi vê yekê ve jî sînor nema û niha tişên ku di alên 90’î de dewleta tirk li bakurê Kurdistanê dikir, gund vala dikir, zext, pêkûtî û îşkence li welatiyan dikir niha PDK li ser welatiyên başûrê Kurdistanê pêk tîne.
Asayîşa PDK’ê gef li gundiyên li gundên Zoma Siyara Sitewrê, Riwisê, Şudnî, Zoma Kanî Delê û Keşan ên navçeya Zaxo û kocerên li zozanan xwarin ku herêmê vala bikin. Di demên dawî de ji aliyê dewleta tirk a dagirker ve leşker sewqî herêmê tê kirin, nerazîbûn li beramberî derxistina sivîlan a ji aliyê asayîşa PDK’ê ve hene. ZAXO
