Koma bi navê ‘Yekîneya Tolhildanê ya Şehîd Xelîl Jêhat’ berpirsyariya du çalakiyên 12 û 21’ê hezîranê yên li Stenbolê girt ser xwe
Di daxuyaniya ‘Yekîneya Tolhildanê ya Şehîd Xelîl Jêhat’ de ya li malpera bi navê Raperîna Gel hate weşandin, komê berpirsyariya çalakiya sabotajê ya li Qada Sûltan Ahmet û çalakiya li dijî lûleya gaza xwezayî li xwe girt.
Li gorî daxuyaniyê 12’ê hezîranê saet di 14.00’an de li Qada Sûltan Ahmet ku yek ji navendên tûrîzmê yên dewleta tirk e çalakiyeke sabotajê hatiye kirin. Di daxuyaniyê de wiha hat gotin: “Qada çalakiyê ji aliyê polîsan ve hate dorpêçkirin, der barê encamên çalakiyê de agahî nehatin wergirtin.”
Komê diyar kir ku êvara 21’ê hezîranê kepçeyeke ku di karê avakirina lûleya gaza xwezayî de ya li Stenbolê dixebitî hate şewitandin û ragihand ku kepçeya ku demeke dirêj şewitî welê lê hat ku nema karibe bê xebitandin.
Komê her wiha diyar kir ku hatineyên tûrîzmê ji bo dewleta tirk a dagirker dibe bombe û li erdnîgariya Kurdistanê dibare, lewma dê navendên tûrîzmê her tim di hedef wan de bin. STENBOL
