Komeleyê elewîyan yê Dêrsimî reaksîyon nîşanê Projeyê Çimeyê Munzurî ke wareyanê bimbarekan yê elewîyan de yeno plankerdene dayî. Komeleyê elewîyan yê Dêrsimî dîyar kerdî ke no hêrişo vera erjanê bimbarekan de yo û na rewşe nîna qebulkerdene
Ajansê Wedarnayîşê Firatî, Çimeyê Munzurî yê qezaya Pulurî ya Dêrsimî ke seba elewîyan bimbareka de bi waştişê ‘kerdişê xizmetê turîzmî’ projeyêk plan kerd. Proje hetê Heyetê Herêma Vakifê Kulturî yê Erziromî ra ame tesdîqkerdene. Walîyê Dêrsimî Tûncay Sonelî derheqê babete de va ‘Çimeyê Munzurî yê ke seba elewîyan mekanê pîroz ê do tûrîzmî rê bêrê akerdene’ û eşkera kerd ke malîyeta Çimeyê Munzurî 8 mîlyon lîre ya. Projeyo ke hetê Ajansê Wedarnayîşê Firatî ra ame hadrekerdene rê Weziriya Bajarvanî û Dorme zî piştî da. Walî Sonel pawit ke do proje zirar nêdo dorme. Reyna pawit ke proje Weziriya Bajarvanî û Dorme, Ajansê Wedarnayîşê Firatî, Baroya Dêrsimî û temsîlkaranê rêxistinê komelî reyde ameyo parekerdene.
Komeleyê elewîyan yê Dêrsimî reaksîyon nîşanê Projeyê Çimeyê Munzurî ke wareyanê bimbarekan yê elewîyan de yeno plankerdene dayî. Komeleyê elewîyan yê Dêrsimî eşkerarîya Sonelî zurî vetî û waştî ke proje bêro vindarnayene. Komeleya Elewîyê Demokratîkî û Komeleya Pîr Sultan Abdalî reaksîyon nîşanê Projeyê Çimeyê Munzurî dayî û waştî ke proje bêro vindarnayene. Serekê Komeleya Elewêyê Demokratîke (DAD) Musa Kulu da zanayene ke no hêrişo vera erjanê bimbarekan de yo û na rewşe nîna qebulkerdene.
Rayîrberê Şûbeyê Kulturê Pir Sultan Abdalî Alî Ekber Kayayî zî ard ziwan ke kultur û bawerîya înan de xoza û roje bimbarek î û va: “Çimeyê Munzurî seba ma cayêko bimbarek o. Ma ewja de loqme vila kenî û nîyaz kenî. Ganî dest nêdîyo cayanê bimbarekan. Ma no proje qebul nêkenî. Hêroşê vera cayanê ma yê bimbarekan o.” DÊRSIM
