Fermandariya Biryargeha NPG’ê bi daxuyaniyekê çalakiyên gerîla yên di 24-25’ê hezîranê de li Çelê pêk anîn, pîroz kir
Fermandariya Biryargeha Navenda Parastina Gel (NPG), çalakiyên gerîla yên li Çelê yên di 24-25’ê hezîranê de pîroz kir. Di çalakiyê de du wesayitên zirxî hatibûn rûxandin û 23 leşker hatibûn kuştin. Fermandariyê destnîşan kir ku artêşa tirk bi van çalakiyan hejiya ye.
Di daxuyaniyê de fermandariyê diyar kir ku di çarçoveya Pêngava Şoreşgerî ya Şehîd Bager û Şehîd Ronya de, di çalakiyên 24 û 25’ê hezîranê yên li dijî hêzên artêşa tirk de encamên girîng hatine wergirtin û wiha domand: “Di çalakiya we ya kemînê de ku 24’ê hezîranê bi taktîkeke mezin a hostatî li qada Derava Xezalkê ya Çelê li dijî yekîneyên dijmin ên derketin operasyonê pêk hat, du wesayîtên zirxî hatin rûxandin û 23 leşkerên dijmin hatin kuştin. Ev çalakiya ku li gorî ruhê serdemê bi xeta gerîla ya serdema nû hatiye kirin, dijmin hejandiye. Kemîna ku di 25’ê hezîranê de li pêşiya helîkopterên Kobra yên ji Çelê difiriyan Colemêrgê li nêzî gundê Dizê hate danîn, lêdana derban a li helîkopteran tê wateya şarezatiya taktîka serdema nû.”
Daxuyanî wiha bi dawî bû: “Di serî de fermandariya we, fermandar û şervanên tev li van çalakiyan bûne hemûyan pîroz dikin û ji we re serkeftinê dixwazin. Bi hezkirin û rêzdarî hemû hevrêyên tev li vê çalakiyê bûne silav dikin ku bi taktîkên dewlemend, bi performanseke bilind û fedakariyeke mezin bêyî windahiyan bidin çalakî pêk anîn.” BEHDÎNAN
