Şaredarê Bajarê Mezin ê Stenbolê Ekrem Îmamoglu, Hevserokên HDP’a Stenbolê ziyaret kir û diyar kir ku ji ber bawerî û hewldanên wan ên ji bo demokrasiyê qîmetek mezin dide gotinên rêveberiya HDP’ê. Îmamoglu, têkildarî girtina Hevserokê HDP’ê yê berê Selahattîn Demîrtaş jî anî ziman ku ev li wîcdan û hiqûqê ye û wiha got: “Ger ku derfet çê bibin ez dixwazin wî ziyaret bikim.”
Hevşaredarê Bajarê Mezin ê Stenbolê (ÎBB) Ekrem Îmamoglu piştî di 23’ê hezîranê de cara duyemîn wekî şaredar hat hilbijartin li gel CHP’ê dest bi ziyareta partiyên siyasî kir. Îmamoglu, piştî Rêxistina Bajar ên Partiya Saadetê (SP) û Partiya ÎYÎ (ÎP) ziyaret kir, çû serdana HDP’a Stenbolê jî. Hevserokên HDP’ê yên Stenbolê Esengul Demîr û Cengîz Çîçek û rêveberên HDP’ê Îmamoglu pêşwazî kir. Îmamoglu di ziyaretê de seramîk a nexşeya Stenbolê li ser hebû diyarî Hevserokên HDP’ê kir. Hevserokên HDP’ê jî Mahfûrek û 4 pirtûk diyarî Îmamoglu kirin. Îmamoglu di ziyaretê de diyar kir ku ew ji bo ligel hemû partiyên siyasî li ser rêveberiya Stenbolê nîqaşan bimeşînin û bi hevre pêşeroja Stenbolê diyar bikin van ziyaretan dikin û wiha got: “Me îro HDP ziyaret kir. Pêdiviyên be bi fikr û nerînên hemû partî rêxistinan heye. Em ê hewl bidin ku cih nedin partîzaniyê. Em ê hewl bidin ku li ser navê demokrasiyê her kesî têxin nava û cih bidin vîna her kesî.”
Îmamoglu diyar kir ku ji ber bawerî û hewldanên wan ên ji bo demokrasiyê qîmetek mezin dide gotinên rêveberiya HDP’ê. Îmamoglu, têkildarî girtina Hevserokê HDP’ê yê berê Selahattin Demîrtaş jî anî ziman ku ev li wîcdan û hiqûqê ye û wiha got: “Ger ku derfet çê bibin ez dixwazin wî ziyaret bikim.”
Demîr: Li dijî neheqiyê piştgiriya Îmamoglu hatiye kirin
Hevseroka HDP’ê ya Stenbolê Esengul Demir jî anî zîman ku ji ber ziyareta Îmamoglu kêfxweş in û ev tişt anî ziman: “Ziyareta Îmamoglu ya îro di Tirkiye de gavek yekemîn e. Ji ber vê yekê ziyaretek pir girîng e. Bi taybetî piştî hilibjartina 31’ê adarê mutabakatek civakî derket holê. Lihevkirinek civakî pêş ket. Daxwaza siyaseta demokratîk a Tirkiye dikare di rêveberiya herêmî de bibe mînak. Şaredar bi vîna gel hat hilbijartin û mafê wî xezp kirin. Piştî hilbijartin dubare bû HDP’ê helwesta xwe li dijî bê hiqûqî û neheqiyê anî ziman. Li dijî neheqiyê piştgirî da. HDP li Stenlolê li vîna gel xwedî derketiye. HDP’ê li dijî binpêkirina mafan û xezpkirina maf û vînê helwesta xwe nîşan daye. Em ê li dijî hemû hêzên ku vîna gel tune dihesibîne rawestin. Ji bo platformên aştî, wekhevî, aştî û hiqûqê li her dera Tirkiye pêş bikeve çi dikeve ser milê me em ê bikin.” STENBOL
