Meclisa Şaredariya Cîzîrê ya HDP’ê di civîna tîrmehê de biryar da ku li dijî bikaranîna tiryakê ku di demên dawî de pir zêde bûye, ‘Komîsyona Têkoşîna Li Dijî Tiryakê’ bê avakirin
Meclisa Şaredariya Cizîr a Şirnexê ku dibin rêveberiya Partiya Demokratîk a Gelan (HDP) de ye, civîna xwe ya meha tîrmehê lidar xist. Civîn di bin serokatiya hevşaredarên Cizîrê Berîvan Kutlu û Mehmet Zirîg de hate lidarxistin. Di civînê de mijarên guhertina hin avahiyan û zêdebûna bikaranîna tiryakê ya di demên dawî de hate nîqaşkirin.
Di dema nîqaşan de encumenên meclisê pêşniyar kirin ku ‘Komîsyona Têkoşîna Li Dijî Tiryakê’ bê avakirin. Pêşniyar di dengdanê re derbas bû û bi piraniya dengan hate qebûlkirin. Komîsyon dê ji 5 kesan pêk bê. Endamên AKP’ê yên di meclisê de jî avakirina komîsyonê red kir û xwestin ku li dijî tiryakê komîsyon neyê avakirin. ŞIRNEX
