Girtî Çekdar Yurek ku li Girtîgeha Jimar 2 ya Tîpa T ya Tekîrdagê tê girtin, tevî ku cezayê wî xelas bûye jî bi hinceta ‘cezayê disiplînê’ nayê berdan. Li ser vê yekê parêzerê Yurek serî li AYM’ê da
Girtiyê bi navê Çekdar Yurek li Girîgeha Jimar 2 ya Tîpa T ya Tekîrdagê tê girtin. Tevî ku cezayê Yurek xelas bûye û divê bê berdan jî, rêveberiya girtîgehê bi hinceta ku ‘cezayê disiplînê heye’ nahêle ku Yurek ji girtîgehê derkeve.
Li ser vê yekê jî parêzerê Yurek, Firat Vural ji bo ku muwekîlê wî bê berdan serî li Dadgeha Destûra Bingehîn (AYM) da. Bi îdiaya ‘Endamê rêxistinê ye’ li Yurek 10 sal û 16 meh cezayê hepsê hatibû birîn. Pêwîstbû ku Yurek di 22’yê nîsana 2019’an de bi şert bihata berdan. Lê cezayên disiplînê weke hincet hate nîşandan û tehliyeya wî di 2’yê gulanê de hate redkirin. STENBOL
