Polîsên Tîmên Taybet di danê sibehê de li Elkê bi ser gelek malan de girt. Di encama serdegirtina malan de 2 jê nexweşên penceşêrê bi giştî 8 kes bi lêdanê hatin binçavkirin
Yekîneyên Polîsên Tîmên Taybet li navçeya Elkê ya Şirnexê di saetên serê sibehê de bi ser gelek malan de girtin. Polîsan di serdegirtina malan de 8 kes bi lêdanê binçav kirin. Ji kesên hatine binçavkirin 2 jê nexweş bûn û li malê dihatin dermankirin.
Polîsan piştî lêgerîna di malan de, welatiyên bi navên Agît Durmuş, Azîz Aykut, Ramazan Aykut, Şaban Çokdogan, Şukru Guven, Alî Akdag, Ekrem Yîgît û Selîm Abî binçav kirin. Ji kesên rastî lêdanê hatin S.Y. yê 17 salî, bedena wî reş û şîn bû.
Polîsan di serdegirtina malan de welatiyên ku nexweşên pençeşêrê ne Ramazan û Azîz Aykut jî binçavkirin. Hat diyar kirin ku Ramazan û Azîz tedawiya kemoterapiyê dibînin. Kesên hatine binçavkirin, birin Midûriyeta Polîsan a Elkê û sedema binçavkirina wan nehat zanîn. ŞIRNEX
