Şevê din li taxa Nûr a Cizîrê dema ku tiryarkfiroşekî hewl dida li taxê tiryakê bifiroşe, welatiyan bertek nîşan dan û lê xistin
Dewleta tirk hema hema li temamiya bakurê Kurdistanê polîtîkaya fihûş û tiryakê pêş dixe. Bi vî awayî dixwazin ku bi taybet jî ciwanên kurd arasteyî jiyaneke nebaş û teslîmkar bikin û hemû cureyên polîtîkayên xwe li ser civaka kurd pêk bînin. Bi taybet jî li herêmên ku berxwedanên xwerêveberiyan, ev polîtîkaye di asteke herî jorde tê meşandin.
Yek ji van navendan jî Cizîr a Şirnexê ye. Li Cizîrê bi kontrola polîsan hema hema li serê her kolanekê kesên ku tiryakê difiroşin hatine bicihkirin û hewl didin ku ciwan û zarokan hînî tiryakê bikin. Şevê din jî dema ku yek ji van tiryakfiroşan dixwest li taxa Nûr a Cizîrê tiryakê bifiroşe, rastî lêdana welatiyan hat.
Welatiyên taxê kesê ku tiryak difirot girtin û lêxistin. Balkêşe ku di heman kêliyê de polîs hatin cihê bûyerê û tiryakfiroş bi wesayîta zirxî ji qadê revandin. ŞIRNEX
