Artêşa tirk li navçeya Payîzava ya Wanê dest bi êrîşê kir. Hat zanîn ku artêşa tirk li gelek gundan noqteyên kontrolê danîne û şêniyên herêmê yên ku diçin gundên xwe bi saetan radiwestînin
Hêzên artêşa tirk li gundên Aşkan, Avan, Axçûrî û Silîla yên navçeya Payîzava ya Wanê dest bi êrîşeke berfireh kir.
Li gorî agahiyên ji çavkaniyên herêmê, di êrîşê de gelek leşker jî beşdar bûne û li zozanên Feraşînê yekîneyên leşkerî dest bi êrîşê kirine. Li aliyê din hat destnîşankirin ku leşkerên li qereqola Qesîrkê, li ser rêya taxên herêmê rawestiyane û wesayîtan kontrol dikin.
Hat ragihandin ku welatiyên dixwazin biçin gundên xwe, li van noqteyên leşkerî demekî dirêj tên sekinandin. Her wiha şêniyên herêmê ragihand ku dema ku erzaqê xwe dibin, leşker pirsên weke ‘Hûnê vî erzaqî bi ku ve bibin?’ ji welatiyan dikin. WAN
