Alî Okutano ke Zîndanê Tîpa Fyî yê Kurkçulerî Edene de yo da pêhesnayene ke gardîyanan eşt koguşan ser û yê derb kerdî
Hepsî Alî Okûtanî da zanayene ke hepsîyê sîyasîyî yê Zîndanê Tîpa Fyî yê Kurkçulerî Edene raştê hêrişê gardîyanan ameyî.
1ê temmuze de hepsîyê sîyasîyî û DAIŞijî Zîndanê Tîpa Fyî yê Kurkçulerî Edene de yew ce de vejîyayîbî pêvînayîşê keyeyan o akerdeyî. Hepsîyê sîyasîyî seba asayîşê xo û merdimanê xo vera naye vejîyayîbî. Naye ra dima pêrodayîş vejîya bi û pêvînayîş nêmcet mendbi. Hepsîyan ra Alî Okûtano ke keyeyê xo de qisey kerd vat dimayê pêvînayîşê 1ê temmuze gardîyanan hêrişê înan kerd û hepsîyê sîyasîyî derb kerdî.
Birayê Alî Okûtanî Duzgun Okûtanî no sey provokasyon name kerd û va: “Yew serre yo ke seba ke hepsîyê sîyasîyî û DAIŞijî heman ca de pêvînayîş virazenê, sîyasîyî nêvejîyenê pêvînayîşan. Dimayê reaksîyon ramojnayişê hepsîyanê sîyasîyan pêvînayîşê ma yo peyên nêmcet mend. Birayê mi telefon de vat ke roja pêvînayîşî ra ê 3 raye raştê hêrişî ameyî. Ma semedê înan qesewet kenê. Ganî Komeleya Heqê Merdiman (ÎHD) û selahîyetdarî mudaxale bikerê.” EDENE
