Gelek pêşmergeyên ku niha li ser kar in jî tê de, nêzî 20 pêşmerge bi fermana Mistefa Barzanî yê ku kurê Mesût Barzanî ye, hatin binçavkirin
Li gorî agahiyên ku ji çavkaniyên herêmî hatine girtin, 20 pêşmergeyên dêrîn ku pêşmergeyên niha li ser wezîfe jî di nava wan de ne, bi fermana Mistefa Barzanî yê ku kurê Mesût Barzanî ye, li Sirê, Dêralokê û Şêladizê hatine binçavkirin.
Çavkaniyên herêmî diyar kirin agahî ji pêşmergeyan nedihatine girtin lê beriya niha bi çend rojan malbatên wan hatine agahdarkirin û hatiye diyarkirin ku pêşmerge hatine binçavkirin.
Li gorî heman çavkaniyan ji dema xwepêşandan û raperîna Şêladizê ve zextên PDK’ê li ser welatiyên ji eşîra Rêkaniyan a li herêma Amediyê zêde bûne û asayîşa herêmê zextan li wan dikin.
Berî niha bi demekê di bernameya televîzyoneke PDK’ê de hakaret li eşîra Rêkaniyan hatibû kirin û ji wan gotibûn, ‘Hûn çete ne’ Li ser vê yekê Rêkaniyan jî bi ser televîzyonê de girtibûn û nerazîbûn nîşan dabûn. HEWLÊR
