Weqfa Lêkolînên Civakî, Aborî û Siyasî (SETA) têkildarî saziyên çapemeniyê raporek weşand û rasterast rojnameger û saziyên çapemeniyê hedef nîşan da. Platforma Rojnamegerên Jin a Mezopotamyayê got ku rapora SETA’yê sûc e û HDP’ê jî da zanîn ku ev rapor dişibe îdîanameya dozger
Platforma Rojnamegerên Jin a Mezopotamya (MKGP), têkildarî rapora SETA ya “Dirêjahiya Saziyên Medya Ya Navneteweyî ya li Tirkiye” daxuyaniyek nivîskî weşand û diyar kir ku rapora SETA weşandiye mijara sûc e.
Platforma Mezopotamya, di daxuyaniyê de anî ziman ku carek din diyar dikin ku wê li gel hempîşeyên xwe bin we bin. MKGP di daxuyaniyê de wiha got: “Bi vê raporê saziyên çapemeniyê û rojnamegeran dikin hedef. Herî dawî Vakfa Lêkolîna Civakî, Aborî û Siyasetê (SETA) bi rapora “Dirêjahiya Saziyên Medya Ya Navneteweyî ya li Tirkiye” de weşand. Rapor ji lêkolîn û lêgerînê dûr e. Tenê li ser parvekirinên rojnamegerên li ser înternetê şirove kirine û bi vê yekê rojnamegeran deq dikin. Armanca vê yekê ya bingehîn hem rojnamegeran û hem jî saziyên ku rojnameger lê dixebitin deq bike û reş bike. Dixwaze rojnameger û saziyên çapememiyê bikin hedef. Ji bo me ev yek mijara sûc e. Ji bo mudaxaleya rojnameger û çapemeniyê zemînekê ava dikin. Dixwazin rojnamger û saziyên çaemeniyê têxin bin zextan. Ev yek pirsa “Êv amadekarî û plankirina çiye?” tîne aqilê me.”
Platformê da zanîn ku weke Platforma Rojnamegerên Jin a Mezopotamya vê rapora SETA ya zext û gefên li dijî çapemeniyê û rojnamegeran armanc dike qebûl nakin û dê li rojnamegeran xwedî derkevin.
HDP: Dişibe îdianameya dozger
Partiya Gelan a Demokratîk (HDP), têkildarî rapora SETA’yê daxuyaniya nivîskî weşand û wiha got: “Ji raporê zêdetir ev yek dişibe îdîanameya dozger. Ev belge ji andicên medya yên serdema darbeyê ne cudatir e. Hedef nîşandana rojnamegeran sûc e. SETA ku nêzî hikûmetê ye, bi ser navê “Dirêjahiya Saziyên Medya Ya Navneteweyî ya li Tirkiye” rapor aşkere kiriye. Bi vê raporê gelek saziyên medya û rojnamegerên li Tirkiye karê çapemeniy3e dikin kirine hedef. Navê gelek rojnamegeran û çîroka wan hatiye parvekirin. Dîsa xebat û karê wan, parvekirinên wan ên li ser demya civakî parve kirine. Bi vê yekê kedkarên çapemeniyê ji aliyê SETA ve hedef hatine girtin.
Em wekî HDP’ê mafê pîşeyê rojnamegeriyê ku mafê agahdarkirina civakê daye ser milê xwe diparêzin. Em bi hemû rojnamgerên ku navê wan di rapora SETA de derbas dibe hesta piştevaniyê parve dikin. ” AMED
