Hêzên artêşa tirk û çeteyên wê li gundê Til Selwer ê Efrînê 4 sivîl revandin. Di heman demê de hêzên dagirker agir berda bexçeyê zeytûnan ê li gundê Birîmce
Hêzên artêşa tirk a dagirker û komên çete yên girêdayî wê binpêkirinên xwe yên li Efrînê bênavber didomînin. Di vê çarçoveyê de artêşa tirk û çeteyên wê li gundê Til Selwer ê Cindirês a Efrînê 4 welatî revandin. Navên welatiyên ku hatine revandin wiha ne: “Ehmed, Mihemed, Feysel û Mihemed Nûr (paşnavên wan nehatin zanîn)” Welatiyên hatine revandin nehat zanîn bê ka birin ku.
Di heman demê de çavkaniyên ji herêmê ragihand ku hêzên dagirker li gundê Birîmcê yê navçeya Mabatayê jî agir berda zeviyên zeytûnan. Hêzên dagirker nahêlin ku şêniyên gund agirî vemirînin.
Weke tê zanîn ku artêşa tirk heta niha zêdetirî 14 hezar hektar ji zevî û darên Efrînê şewitandine. EFRÎN
