Ji bo piştgiriya çalakiya mertalên zindî ya li Qendîlê, komeke enternasyonalîstan ciwanên li Qendîlê di çalakiyê de ziyaret kirin
Bi armanca şermezarkirina dagirkeriya dewleta tirk a li başûrê Kurdistanê û piştgiriya bi berxwedana gerîlayên PKK’ê ya li dijî dagirkeriyê, ciwanên başûrê Kurdistanê li Qendîlê dest bi çalakiya mertalên zindî kirin. Di roja 22’yemîn a çalakiyê de komeke enternasyonalîst ji bo piştgirî û destekdayîna çalakvanên li binarê Qendîlê, çûn serdana çalakgeran.
Koma enternasyonalîs ji hêla ji çalakvanên mertalên zindî Amed Dêrsim ve hate pêşwazîkirin. Dêrsim di serdanê de di serî de bixêrhatina mêvanan kir û diyar kir ku divê temamiya gelê başûrê Kurdistanê li dijî dagirkeriyê, piştgiriyê bide çalakiya mertalên zindî.
Dêrsim destnîşan kir ku piştgiriya mêvanên wan ên enternasyonalîst, ji bo wan xwedî wateyekî mezine. Dêrsim axaftina xwe bi banga piştgiriyê bi dawî kir. QENDÎL
