TGS derheqê SETAya ke bi raporêk rojnamegeran hedef nîşan daye de muracatê Serdozgerîya Komarî ya Stenbolî kerd
Sendîkaya Rojnamegeranê Tirkîye (TGS) derheqê Weqfê Cigêrayîşanê Sîyaset, Ekonomî û Komelî (SETA) ke bi raporê ‘Dimeyê Sazîyanê Medyaya Mîyanneteweyîye yê Tirkîya’ rojnamegeran hedef nîşan daye de muracatê Serdozgerîya Komarî ya Stenbolî kerd. Serekê Pêroyî yê TGSyî Gokhan Durmuşî zî mîyan de xeylê rojnamegerî muracatê sucî ra ver eşkerayîyêke dayî çapemenî. Serekê Pêroyî yê TGSyî Gokhan Durmuşî dîyar kerd ke raporo ke ame hadrekerdiş de ameyo waştene ke xeberî nêresî raya pêroyî ya dinya û bi hawayêko eşkera raşte de yo ke embazê ma yê rojnameger hedef ameyî nîşandayene. STENBOL
