Gerîlayan Gever, Xakurkê û Dêrsim de da îşxalkaran ro. Tewr tay 6 eskerî ameyî kiştene
Merkezê Çapemenî û Îrtîbatî yê HPGyî derheqê çalakîyanê gerîlayan û hêrişê artêşa Tirkî de zanayîş da. HPGyî da zanayene ke gerîlayan 7ê temmuze de çarçeweya Hemleya Şorişgêre ya Şehîd Bager û Şehîde Ronya de xeylî çalakîyî viraştî û detayê înan wîna pare kerdî:
“Hêzanê ma Gevera Colemêrgî de çalakîya sabotajî viraşte. Çalakîya ke mabênê Şehîd Derman û Qilê Şehîd Elîşerî de vera konvoyê arêşa tirkî ameye viraştene de kamyonêk ame îmhakerdene û 3 eskerî ameyî kiştene. Dimayê çalakîyî îşxalkaran derûdorê bombardûman kerd û merdeyê xo wedartî.
Qilê Şehîd Derweşî yê Xakurkê de çalakî
Qilê Şehîd Derweşî yê Xakurkê yê Wareyê Pawitişî yê Meyda de zî hêzanê ma do îşxalkaran ro. Çalakîye de eskerêk ame kiştene.
Qezaya Pulurî yê Dêrsimî de çalakî
5ê temmuze de hêzanê ma dewa Saritosunî ya qezaya Pulurî ya Dêrsimî de vera nuqteya nobetî û wesayîtêkê zirxinî çalakîyêk ameye viraştene. Çalakîya ke eskeranê dişmenî ser o adir ame varnayene de 2 eskerî ameyî kiştene. Dimayê çalakîye artêşa tirkî roja bîne herême de dest bi operasyonêk kerd la dest veng herême ra ancîyaye. Embazanê ma yê ke çalakîye viraşte weşûwar resayê cayê xo.
Teyareyanê şerî Gare û Zap bombardûman kerdî
7ê temmuze de teyareyanê şerî Wareyê Pawitişî yê Medya ra Gare de herêma Deşta Kafya û herêma Saca ya pabesteya Zapî bombardûman kerdî. Bombardûman de vînîbîyayeyê ma çîn ê. BEHDÎNAN
