Ji bo şermezarkirina qetilkirina endamê Konseya Serokatiya Giştî ya KCK’ê Diyar Xerîb û êrîşên dagirkeriyê yên dewleta tirk, bi hezaran kes li Silêmaniyê meşiyan. Di meşê de dirûşmên weke ‘Helmet taca serê me ye’ û ‘Helmet namire’ hatin berzkirin
Bi hezaran kes li Silêmaniyê ji bo şermezarkirina qetilkirina endamê Konseya Serokatiya Giştî ya KCK’ê Diyar Xerîb (Helmet) ku di 5’ê tîrmehê de di encama bombebarana artêşa tirk de jiyana xwe ji dest da, meşiyan. Di meşê de çalakvanan qetilkirina Diyar Xerîb û êrîşên dagirkeriyê yên dewleta tirk ên li ser başûrê Kurdistanê şermezar kirin.
Girseya gel bi alên PKK, KCK, wêneyên Rêberê Gelê Kurd Abdullah Ocalan û posterên Diyar Xerîb ji taxa Bextiyar dest bi meşê kir û heta Mizgefta Ahesur a li nêzî City Center a li Silêmaniyeyê meşiya.
Di meşê de dirûşmên ‘Bimire xiyanet’, ‘Helmet namire’, ‘Dagirkerî dê têk biçe’, ‘Helmet taca serê me ye’, ‘KCK hêza gel e’ û ‘Li Qendîlê berxwedan e, li Silêmaniyeyê raperîn e’ hatin berzkirin.
Piştî meşê girseya gel berê xwe da malbata Xerîb û sersaxî ji wan û hevrêyên wan re xwest. Serdanên ji bo sersaxiyê berdewamin. SILÊMANÎ
