Seba endamê Konseya Serekîya Pêroyîye ya KCKyî Dîyar Xerîbî (Helmet) ke 5ê temmuze de rîyê hêrişê teyareyanê artêşa tirkî ra şehîd bibi, Silêmanî de bi hezaran kesî rayra şîyî
Bi hezaran kesî bajarê Silêmanî yê Başûrê Kurdistanî de ameyî têhet û şehîdvistişê endamê Konseya Serekîya Pêroyîye ya KCKyî Dîyar Xerîbî û hêrişê îşxalkarîye yê dewleta tirkî şermezar kerdî.
Kîtleya şarî bi beyraqanê PKK, KCKyî, fotografanê Rayberê Şarê Kurdî Abdullah Ocalanî û posteranê Dîyar Xerîbî mehlaya Bextîyarî ra dest bi rayraşîyayîşî kerd û heta Camîya Ahesûr a nizdê City Center ya Silêmanîye rayra şîyî.
Rayraşîyayîş de sloganê ‘Bimiro xîyanet’, ‘Helmet nêmirno’, ‘Îşxalkarî do bin bikewo’, ‘Helbet taca serê me yo’, ‘KCK hêzê şarî yo’û ‘Qendîl de xoverdayîş o, Silêmanîye de serewedartiş o’ ameyî eştene.
Rayraşîyayîşî ra dima kîtleya şarî şi verê keyeyê Xerîbî û înan û hemrayanê înan rê serweşîye waşte. Serdanê seba serweşîye dewam kenê. SILEMANÎ
