DMME Tirkiye ji ber ku mafê azadiya îfadeyê yê Hevserokê HDP’ê yê berê Selahattîn Demîrtaş binpê kiriye, mehkûmê tazmînata madî kir
Dadgeha Mafê Mirovan a Ewropayê (DMME), biryar da ku mafê azadiya îfadeyê yê Hevserokê Partiya Demokratîk a Gelan (HDP) yê berê Selahattîn Demîrtaş hatiye binpêkirin. DMME biryar da ku Tirkiye 2 hezar euro tazmînata manewî û hezar euro jî mesrefên dadgehê bide Demîrtaş.
Demîrtaş di 5’ê Tîrmeha 2005’an de, dema rêveberê Komeleya Mafê Mirovan (ÎHD) yê Amedê bû, beşdarî bernameyek ROJ TV’î bibû û derbarê Qedexeya parêzaran a li ser Rêberê Gelê Kurd Abdullah Ocalan, rakirina tecrîdê û rola Ocalan a di çareserkirina pirsgirêka kurd de axivî bû. Dûre doz li Demîrtaş hatibû vekirin û dadgehê bi îdiaya propagandeya rêxistinê kirin, cezayê girtîgehê da bû Demîrtaş. STENBOL
