Artêşa tirk êrîşa ku di 10’ê tîrmehê de li bakurê Hênê dabû destpêkirin, şevê din bi dawî kir. Hat zanîn ku leşkeran di encama serdegirtina malan û noqteyên lêgerînê de 693 kes di kontrola GBT’ê re derbas kirine
Artêşa tirk di 10’ê tîrmehê de li navçeya Hênê ya Amedê dest bi êrîşeke berfireh kiribû. Hat ragihandin ku êrîşa artêşa tirk şevê din saet di 22.02’yan de bi dawî bûye.
Li gorî agahiyan, di êrîşê de gelek yekîneyên taybet, polîs û cerdevan jî amade bûn û êrîş bi piştgiriya helîkopteran hate kirin. Artêşa tirk di çarçoveya êrîşê de li ser rêyan noqteyên kontrolê danîn û bi ser gelek malan de girt.
Hat ragihandin ku di encama serdegirtina malan û noqteyên kontrolê de leşkeran 693 kes di Kontrola Agahiyên Giştî (GBT) re derbas kirine. Her wiha weke mirovan, wesayît jî di lêgerînê re hatine derbaskirin. AMED
