Girtiyên siyasî yên Xarpêtê hatin derbkirin. Hat hînbûn ku girtiyê siyasî xistine hucreyên yekkesî û ewlehiya wan tune
Zext û pêkûtiyên li ser girtiyên siyasî ranaweste. Yek ji girtîgeha ku herî zêdet tundî û îşkence li girtiyan tê Girtîgeha Xarpêtê ye. Bavê girtiyê bi navê Mesût Yaşasin, Mahsûn Yaşasin diyar kir ku kurê wî yê di Girtîgeha Hejmar 2 ya Xarpêtê de, ji aliyê gardiyanan ve hatiye derbkirin.
Li ser îşkenceya li girtiyan û ya li kurê wî hatiye kirin Mahsûn Yaşasin wiha got: “Du hefte berê li ser navê kontrolê çûne odeya girtiyê ku di hucreyê de ye û ew derb kirine. Ji ber ku hevalên wan ev tişt qebûl nekirine, 3 kesên din jî hatine derbkirin û ji ber ku nerazîbûn nîşan dane, lêpirsîn li wan hatiye vekirin. Girtî diyar dikin ku ewlehiya canê wan tune û rêveberiya girtîgehê dixwaze îşkenceyê sîstematîk bike. Alavên girtiyan ên li depoyê jî bêyî wan teslîmî malbatên wan tê kirin û girtî di bin dijwariya madî û manewî de dimînin. Girtiyan banga bihistariyê li raya giştî kirin.”XARPÊT
