Tora Rojava ya RISEUP ji bo 7’emîn salvegera Şoreşa Rojava dê li ser tevna civakî kampanya dide destpêkirin û ji bo vê yekê bang li hemû kesan kir
Tora Rojava ya RISEUP’ê ji bo 7’emîn salvegera Şoreşa Rojava ya 19’ê Tîrmehê li ser tevna civakî kampanyayek dide destpêkirin.
Têkildarî mijarê RISEUP bi daxuyaniyekê bang li her kesî kir ku di salvegera Şoreşa Rojava ya 19’ê Tîrmehê de têkildarî Şoreşa Rojava vîdeo, dîmen û peyaman parve bikin.
Kampanyaya li ser tevna civakî bi etîketa “#pirozbe / # riseup4rojava” bê kirin. Bi taybet kampanya dê li ser twîtter û facebookê bê kirin.
Li Kobanê destpê kir
Şoreşa Rojava 19’ê Tîrmeha 2012’yan li Kobanê destpê kir piştre li Efrîn, Qamişlo û Dêrikê belav bû.
RIESUP’ê di daxuyaniya xwe de bal kişand ser berxwedan û serfiraziya li Kobanê ya li dijî DAIŞ’ê hate bidestxistin û ev hate gotin: “Şoreş bi hemû kêmaniyên xwe bû hafizeya bi xwebûn a azadiya civakê bi xwe. Tu êrîş nekarî vê hesretê têk bibe! Kurdistan, civaka bakur û rojhilatê Sûriyeyê her roja çû bilind bû û xwe gihande sala heftan. DAIŞ bi berxwedana Kobanê têk çû. Bi berxwedana Kobanê re Rojava li gelemperiya cîhanê bû sembola hêviyê. Hesret nirxên vê şoreşê ne. Bê wan şoreş nabe, ew tunebana, tu tiştekî me niha nebû ku em 19’ê Tîrmehê pîroz bikin. Sosyalîzim li dijî nirxên gelemperî bi biryardarî bi heskirina ji bo hemû cîhanê dîrok nivîsandin. Lorenzo, Ivana Hoffmann, Anna Cambell, Leger Çiya, Dilsoz Bahar û gelek enternasyonalîstên din bi biryardariya xwe bûn parçeyek vê serpêhatiyê. Domandina nivîsandina vê serpêhatî û pêşxistina vê şoreşê mîrasa me ye.”
