Şêniyên herêma Firatê li dijî gefên dewleta tirk li ser axa bakur û rojhilatê Sûriyeyê dê sibe çalakiya mertalên zindî û xwepêşandanan pêk bînin
Şêniyên bakur û rojhilatê Sûriyeyê piştî gefên dagirkeriya dewleta tirk dest bi amadekariya mertalên zindî û xwepêşandanan li ser sînorê di navbera herêma Firatê û Tirkiyeyê kirin.
Sibe Meclisa Kantona Kobanê dê li Qada Jina Azad a navenda Kobanê der barê gefên dewleta tirk de ku dê dest bi operasyonên leşkerî ber bi xaka Sûriyeyê ve bike, daxuyaniyekê bide.
Li bajarê Kobanê ji bo şermezarkirina gefên dewleta tirk tevgera li sûk û dikanên bazirganiyê hatiye sekinandin.
Her wiha li bajarên bakur û rojhilatê Sûriyeyê bi taybet Qamişlo, Hesekê û Serêkaniyê amadekariyên çalakiyên cuda ji bo şermezarkirina dagirkeriya dewleta tirk têne kirin.
Her wiha li gundê Qeremox ê rojavayê bajarê Kobanê yê li ser sînor xwepêşandan hatibû lidarxistin û bi hezaran ji gelê Sûriyeyê ji bo şermezarkirina gefên Tirkiyeyê beşdarî xwepêşandanê bûbûn. KOBANÊ
