Hemşaredarê qezaya Gogsî ya Erziromî Burhanettîn Şahîn û endamê meclîsê şaredarîye ra 10 kesê ke ameybî tepiştene, serbest ameyî veradayene
Qezaya Gogsî ya Erziromî de 11ê temmuze de polîsan saetanê serê sibayî eştbî serê xeylî keyeyan. Polîsan keyeyan de sehnayîşan kerdbî û her çî serûbin kerdbî. Badê sehnayîşê keyeyan polîsan Hemşaredarê qezaya Gogsî Burhanettîn Şahînî û encumenê şaredarîye ra Yuksel Kişin, Erdal Bayram, Mahmut Çîmendag, encumenê Şaredarîya Bajarê Girdî ya Erziromî Mehmet Latîf Karakuş, îdarekarî Nurî Kandemîr û Namet Yilmaz, encumenê verênî Erdem Kaya û Cemîl Oran û heman wextî de hemwelatijo bi nameyê Erol Mahçupî tepiştbî. Tepiştişan de pêropîya 10 kesî ameybî tepiştene û wextê binçimkerdişî yê tepişteyan 2 rojan ameybî dergkerdene. Hemşaredarê Qereyazî û encumenanê şaredarî hetê Mehkemaya Nobedare ya Erziromî ra serbest ameyî veradayene.
Rayîrberê HDPyî yê Qereyazî Namet Yilmazî dîyar kerd ke wextê îfadeyî de raştê mudaxaleya fîzîkî û zextanê psîkolojîkan ameyo. ERZIROM
