Cenazeyê Ayaz û Nupelda Guloglu yê ke netîceyê teqayîşê wasitayêkê nizdê qereqolê leşkerîyî yê qezaya Pulurî ya Dêrsimî de merdîbî, pîya ameyî wedartene
Teqayîş roja Dişemeyî gomê Çakilçeşme yê pabesteyê dewa Bîlgeçî de virazîyabi. Teqayîş de Ayaz Guloglu (8) û Nupelda Guloglu (4) merdîbî. Cenazeyê Guloglu yê waye û birayî, dimayê otopsîya Nêweşxaneyê Unîversîteya Firatî yê Xarpêtî, hetê keyeyî ra ameyî girewtene û bi kîtleyêka qerebalixî ameyî wedartene.
Parlamenterê Partîya Demokratîke ya Şaran (HDP) yê Dêrsimî Alîcan Onlu, hemşaredarê Dêrsimî Fatîh Mehmet Maçoglu, Walîtîyê Dêrsimî Tuncay Sonel, temsîlkarê partî û sazîyanê cimatê sivîlî zî tede xeylî kesî tewrê merasîmî bîyî.
Vatişê melayê Cemxaneyî yê Xarpêtî yê ‘Ma do goreyê destûranê dewleta xo ya pîle merasîmê cenaze virazê’ bi sebebê razînêbîyayîşê kesanê ke tewrê merasîbî bîyî. Serê razînêbîyayîşî ra Pîr Zeynel Batarî merasîmê cenaze de seba bicaardişanê dînîyan serkêşî kerde.
Pî Alî Ekber û maye Cebrîye Guloglu yê ke tewrê merasîmî bîyî bi zor serê lingan de vindertî. Dedê domanan Zeynel Guloglu yo ke Ajansê Mezopotamya rê qisey kerd va: “Ma vatêne qey mayîn a, la gama ke ma cenazeyî dîyî, ma dî ke teqayîşê madeyêkê cîyayî bi. Ma nêzanê madeyo ke teqayo çi yo û kamca ra ameyo. Her serre şinê ûca. Ûca cayêk bi ke çi merdim çi heywanî her çî şîyêne ûca. Problemêk seba şîyayîşê ûcayî çinbi. Naye ra ma nêzanê tirêm o madeyê teqayîşî senî ameyo ûca. Dozgerî derheqê cigêrayîşo ke kerdo de tu hayîdarî ma dir pare nêkerde. Dozgerî vat ke wa benda raporê otopsîye bê.”
Ded Guloglûuî bale ant ke gama înan herême de cigêrayîş kerdo hayîdarî nêdaya înan, Qereqolê Kûşlûca ya herême tena 15 deqeyî herême ra dûr a. DÊRSIM
