Li Navçeya Rezan a Amedê polîsan bi ser malekê de girt û piştî serdegirtinê de Mucahît Yilmaz hat kuştin. Piştî bûyerê Wezîrê Karên Hundir daxuyanî da û got “Pevçûn derketiye”. Lê dijberî daxuyaniya Wezîr, li mala ku Yilmaz lê bû deriyê malê nehatiye şikandin û nejî li ser Yilmaz çek hat dîtin. Vê yekê pirsa “Gelo Mucahît Yilmaz hat înfazkirin? anî aqilan
Li Kolana Karacadag a Navçeya Rezan a Amedê polîsan serê sibê bi ser mala Ahmet û Birsen Yoldaş a li qatê 3’yan de girtin. Di serdegirtina malê de Mucahît Yilmaz hat kuştin û li gorî îdiayan polîsek jî birîndar bû. Ji xwediye malê 2 kes jî hatin binçavkirin. Piştî bûyerê wezîrê karên hundir bi lez daxuyanî da û got “Pevçûn derketiye”. Lê piştî bûyerê daneyên derketin holê fikara “Gelo Yilmaz hat înfazkirin” ava dike. Lewre ne deriyê malê hatiye şikandin, ne jî li ser Yilmaz çek heye.
Şahidê bûyerê diyar kirin ku Yillaz hatiye înfazkirin. Şahidan diyar kirin ku ji malê gule nehatiye teqandin. Şahidên bûyerê anîn ziman ku li ser Yilmaz çek tune bû û ji hundir gule bernedaye derve. Vê yekê pirsa “Gelo Mucahit Yilmaz hat înfazkirin anî aqilan. Piştî serdegirtinê xwediyê malê Ahmet û Bîrsen Yoldaş hatin binçavkirin. AMED
