Ame îdîakerdene ke Mazlum Dago ke derheqê hedîseyê Hewlêrî de ame tepiştene do teslîmê Tirkîye bêro kerdene
Hewlêr de 17ê temmuze de restoranê bi nameyê Huqqabazî de hêrişêko bi çekin pê ameybî. Hêrişî de Osman Koseyo ke wezîfedarê Konsolosxaneya Tirkîye yê Hewlerî bî û sewbîna 2 kesê ke kişta ci de bî cuya xo vindî kerdbî. Ame îdîakerdene ke Mazlum Dago ke derheqê hedîseyê Hewlêrî de ameyo tepiştene do teslîmê Tirkîye bêro kerdene
Ame îdîakerdene ke 18 îdarekarê MÎTî seba hedîse Tirkîye ra şîyî Hewlêr û tewrê muhakemekerdişê Dagî bîyî. Ame zanayene ke îdarekarê MÎTî seba Dagî teslîmê Tirkîye bêro kerdene, rayîrberîya Herêma Federal ya Kurdistanî reyde pêvînayîş pê ardî.
Derheqê kiştişê Kose û 2 kesanê bînan de heta nika kesêk nêameyo eşkerakerdene. Eşkerayîyê partîyê sîyasî yê Herêma Federal ya Kurdistanî, îdarekarê hukmat û asayîşî û xeberanê ke çapemenî de vejîyayî yewbînan nêtepiştenenî û nakokî yî. HEWLÊR
