Bi sedan şêniyên kantona Kobanê çalakiyên mertalên zindî li ser sînorê Tirkiye-Sûriyeyê li dijî gefên Tirkiyeyê yên êrîşkirina li herêmên Bakur û Rojhilata Sûriyeyê di roja 7’emîn de ye didomînin
Çalakiyên mertalên zindî li gundên Qeremox û Ziyaretê da ku gefên Tirkiyeyê red bikin, dest pê kir di roja 7’emîn de ye. Bi amadekariya leşkerî ya ji hêla dagirkeriya Tirkiyeyê li ser sînor ji topavêj û çekên giran, çalakiyên mertalên zindî dest pê kir.
Daxuyaniyên Tirkiyeyê yên dagirkirina herêmên Til Rifat û Girê Spî yên li xaka Sûriyeyê, rastî bertekên girseya gel hatin. Ji lewre bi hezaran şênî da ku gef û bêdengiya civaka navdewletî şermezar bikin, dest bi çalakiyan kir.
Çalakiyên mertalên zindî bi sedan metre dûrî ji baregehên leşkerî yên dagirkeriya tirk û bajarê Cerablusê yên dagirkirî ne. Xwepêşandaran pankartên bi nivîsên “Silavkirina berxwedana gelan” hildan û dirûşmên redkirina dagirkeriya tirk berz kirin.
Duh meşeke girseyî li nêzî baregeha Xirab Eşk ji baregeha sereke ya Koalîsyona Navdewletî li Sûriyeyê ya li başûrê kantona Kobanê ye, pêk hat. Di meşê de bang li civaka navdewletî û nexasim dewletên beşdarî koalîsyonê ne, da ku helwestên xwe derbarê gefên Tirkiyeyê de aşkera bikin, hat kirin. KOBANÊ
