Li gorî buroya lêpirsînê ya federal a DYE’yê (FBI), Rûsya mîna sala 2016’an dixwaze bandorê li hilbijartinên sala 2020’î jî bike.
Bi îdîaya ku Rûsyayê di hilbijartinên sala 2016’an de yên li Emerîkayê ji bo serketina Donald Trump ketiye dewrê lêpirsîn hatibû destpêkirin. Dîrektorê FBI’yê Christopher Wray di çarçoveya lêpirsînê de agahî da Senatoyê û îdîa kir ku ev hewldanên Rûsyayê didomin.
Wray ji Komîsyona Hiqûqê ya Senatoyê re axivî û got, “Rûs bi biryar in ku dest li hilbijartinên me werdin.” Wray îdîa kir ku hewldanên Rûsyayê ji bo ewlekariya hilbijartinên DYE’yê hîn jî gefeke mezin e.
Donald Trump tevî ku li gorî hevriya xwe ya ji Partiya Demokrat Hillary Clinton hîn kêmtir deng wergirt, ji ber ku li bêhtir eyaletan bû yekemîn di hilbijartinên sala 2016’an de bi ser ketibû. Beriya hilbijartinên sala 2016’an diyar bûbû ku trolên ji Rûsyayê ji bo Trump ketine nava hewldanên cidî. WASHINGTON
