Hêzên Rizgariya Efrînê ragihand ku di çalakiyên hêzên wan ên li navçeya Şêrawa ya Efrînê de 6 çeteyên tirk hatine kuştin
Hêzên Rizgariya Efrînê (HRE) têkildarî çalakiyên hêzên wan ên li dijî leşker û çeteyên dewleta Tirk a dagirker daxuyaniyek nivîskî weşand.
HRE’yê wiha got: “Hêzên me bê navber çalakiyên bi bandor yên li dijî leşker û çeteyên dewleta tirk a dagirker ya li Efrîn û herêmên derdora wê bicîh bûne didomîne. Roja 23’ê tîrmehê li gundê Fafirtînê yê girêdayî navçeya Şêrawa hêzên me bi çalakiyekî êrîş birin li ser noqte û stargehên koma çete ya bi navê Feyleq El-şam. Di çalakiyê de yekîneyên me ji mesafeyekî nêz de li çeteyan dan. Di encama çalakiyê de 3 çete hatin kuştin û 2 jî birîndar bûn, her wiha 3 çeperên çeteyan jî hatin rûxandin.”
HRE’yê da zanîn ku li hemberî komek çeteyên ku xwestine piştgiriyê bidin çeteyên din çalakiya sabotajê lidarxistine û wiha got: “Di encamê de, di nav de serçeteyê koma Feyleq el-Şam yê bi navê Yasîn Îbrahîm Mensûr û alîkarê wî bi giştî 3 çete hatin kuştin û 1 çete jî birîndar bû. Herwiha seyareyeke leşkerî hat rûxandin. Di encama her dû çalakiyan de yek jê serçete 6 çete hatin kuştin, 3 çete birîndar bûn û wesayîteke leşkerî hat ruxandin.” EFRÎN
