Çeteyên DAIŞ’ê bi hewana êrîşî gundê Dara yê navçeya Daquq a Kerkûkê kir. Di encamê de 4 kes birîndar bûn. Dema ku malbatek ji gund direviya, li nêzî seytereya Daqûq hate gulebaran kirin û di encamê de 6 endamên malbatê jiyana xwe ji dest dan
Şevê din di saetên dereng de çeteyên DAIŞ’ê gundê Dara yê ser bi navçeya Daquq a ser bi Kerkûkê bombe kirin. Di encamê 4 kes birîndar bûn, yek jê jine.
Li gorî agahiyên ji çavkaniyên Nexweşxaneya Daquq hatine girtin, piştî ku çeteyên DAIŞ’ê hewan berdane gund, malbatek bi wesayîta xwe ji gundê Dara ber bi Daquqê ve ketiye rê, lê nêzî seytereya Daquq ku polîsên federal ên Iraqê lêne, rastî gulebaranê hat, ji malbatê 6 kesan jiyana xwe ji dest dan.
Piştî ku birîndar û cenazeyên kesên jiyana xwe ji dest dane rakirin nexweşxaneya Daquqê, di navbera Polîsên Nehiştina Tewan ên Daquq û Polîsên Federal de devjenî çêbû û ji ber vê sedemê efserek hate kuştin. KERKÛK
