19. Festîvala Kultur û Xoza ya Mûnzûrî ewro bi tewrbîyayîşê hemwelatî, pîrê elewî û bi loqme, dua û kayan dest pêkerde
19. Festîvala emserî ya Kultur û Xoza ya Dêrsimî ewro saet 12.30î de Raşteyê Seyîd Rizayî de bi eşkerayî, dua û nuyazî dest pêkerde. Festîvale do heta 28ê temmuze dewam bikera. Xeylê bajar û cayan ra hemwelatijî seba festîvale ameyî Dêrsim. Qiseykerdişê akerdişê festîvale hetê Şaredarê Dêrsimî M. Fatîh Maçogluyî ram e kerdene. Pîrê elewîyan zî bi qiseykerdiş û duayan akerdişê festîvale de ca girewtî. Badê qiseykerdişan loqmeyê ke pîran ser de wendî ameyî vilakerdene. Serê maseya niyazî de zî find û çilayî ameyî tafînayene. Dima ra koma kayê şar kayê Varvara kay kerde. Hemwelatijê ke tewrê akerdişê festîvale bîyî eleqeyêka gird nîşan dayî.
Programê festîvale yê ewro do pêşandayîşê fotografan yê ‘Cayê nimite yê Dêrimî’, bi cem, panel, konser û belgefîlmê ’16 Ton’ peynî bibo. DÊRSIM
