Keyeyê Rayberê PKKyî Abdullah Ocalanî û keyeyanê hîrê tepişteyanê bînan ê ke îmralî de yê seba pêvînayîşî muracat kerd
Merdimanê Ocalanî û hîrê tepişteyanê bînan ê ke îmralî de yê reyna seba pêvînayîşî muracatê Serdozgerîya Komare ya Bûrsa kerd.
Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke roja Dişemeyî bieşkê şirê Îmrali muracatê Serdozgerîya Komare ya Bûrsa kerd.
Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Salîhe Saltike bi rayîrê avûkatan muracatê pêvînayîşî kerd.
Omer Hayrî Konar, Veysî Aktaş û Hamîlî Yildirm ê ke 2015 ra nata sey ‘Sekreterya’ Îmrali de yê heta ewro teyna 5’ê Hezîrane de roja Roşanî merdimanê xo dir pêvînayîş viraştbi. STENBOL
