Mektuba Leyla Guvene ke seba hepsî Zafer Saglamî erşawîtebî bi mehneya ‘Çîyê ke nuşteyî bişikin î’ nêdîya
Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene seba hepsîyo binameyê Zafer Saglamî ke Zîndanê Padaye yê Hûmara 5. yê Sîlîvrî de vera tecrîdê serê Rayberê PKKî Abdullah Ocalanî de 16ê kanûna 2018î de koma yewin reyde dest bi grevê vêşanîye kerdbî rê mektubêk erşawite. Komîsyonê Wendişê Mektuban yê Zîndanî bi mehneya ‘Çîyê ke nuşteyî bişikin î’ mektube nêda Saglamî. STENBOL
