Bi dehan jinên Dêrazorê li dijî gefên dewleta tirk ên li ser xaka bakur û rojhilatê Sûriyeyê, meşek li dar xistin
Di çarçoveya pêngava ‘Me yekitiya xwe ava kir, em bi ser ketin, em ê li ber xwe bidin da ku biparêzin’ ya 23‘yê tîrmehê bi armanca şermezarkirina gefên dewleta tirk ên li ser herêma bakur û rojhilatê Sûriyeyê ji aliyê Meclisa Jinan a bakur û rojhilatê Sûriyeyê hatiye destpêkirin, bi dehan jinên gundewarên Dêrazorê meşek li dar xistin.
Meş ji deriyê ketina bajarokê Kesrayê ya gundewarê bakurê bajarê Dêrazorê dest pê kir û li navenda bajêr veguherî mîtîngê. Li vir axaftin hatin kirin. Li ser navê Partiya Pêşerojê ya Sûriyeyê Eyşê Siûd, ser navê Hêzên Ewlehiya Hundirîn a Jinan endama hêzê Hind Ehmed û ser navê hevserokatiya Meclisa Sîvîl a Dêrazorê Lîyla Hesen axivîn.
Axaftvanan gefên Tirkiyeyê yên li ser xaka bakur û rojhilatê Sûriyeyê û binpêkirinên li Efrînê şermezar kirin, her wiha teqez kirin heke êrîş li ser herêmên bakur û rojhilatê Sûriyê çêbibin jinên herêmê dê bê bersiv nemînin, berevajî vê yekê ew ê li dijî dagirkeriya dewleta tirk bisekinin.
Piştî axaftinan bi navê Rêveberiya Jinan a gundewarê rojavayê Dêrazorê daxuyaniyek ji aliyê endama mala jinê Hiyam Ehmed ve hate xwedni
Di daxuyaniyê de ev tişt hat gotin: “Bi navê Rêveberiya Jinan û hemû jinên azad ên li Dêrazorê em koletî û bêrûmetiyê napejirînin, binpêkirinên hovane yên ku Erdogan li ser herêmên Bakurê Sûriyeyê red û şermezar dikin. Em jinên bakur û rojhilatê Sûriyeyê yekdest in, gefên li ser hermên li bakur û rojhilatê Sûriyeyê, di heman demê de gefên li Dêrazorê ye jî.
Me ji vîn û hêza têkoşer Leyla Guven sûd wergirtiye û em ê heta pêkanîna armancên xwe û parastina herêmên bakur û rojhilatê Sûriyeyê, şopdarên rêya wê bin.”
Çalakî bi dirûşma ‘Na ji gefên Tirkiyeyê re û bijî biratiya gelan’ bi dawî bû. DÊRAZOR
