Hêzên Rizgariya Efrîn bi daxuyaniyekê ragihand ku li Efrîn û Mareyê di çalakiyên 28-29’ê Tîrmehê de 3 çeteyên dagirker hatine kuştin
Hêzên Rizgariya Efrîn (HRE) bi daxuyaniyekê ragihand ku li navçeya Cindirês a Efrîn û bajarê Mareyê 3 çete hatin kuştin
HRE’yê derberê çalakiyê de ev daxuyanî da: “Di çarçoveya çalakiyên hêzên me ya li dijî dewleta tirk a dagirker û çeteyên wê li bajarê Mare û navçeya Cindirêsê hêzên me rêzeçalakî lidar xistin. Di 28’ê tîrmehê de li ser rêya di navbera gundê Gorde û Miskê yên girêdayî navçeya Cindirês a Efrînê li dijî wesayîteke leşkerî yê girêdayî çeteyên Ehrar el-Şam yekîneyên me çalakiyekî sabotajê lidar xistin. Di encama çalakiyê de wesayîta leşkerî hate rûxandin, çeteyek hate kuştin û 2 jî birîndar bûn. Di 29’ê tîrmehê de li dordora bajarê Mareyê hêzên me çalakiyeke li dijî baregehekî çeteyên Ehrar el-Şam lidar xistin. Di çalakiyê de 2 çete hatin kuştin û 4 jî birîndar bûn.”EFRÎN
