Navenda Ragihandin û Çapemeniyê ya HPG’ê bi daxuyaniyeke nivîskî diyar kir ku li Xakurkê gerîlayên wan çalakî pêk aniye û leşkerek kuştine
Navenda Ragihandin û Çapemeniyê ya HPG’ê diyar kir ku gerîlayên HPG’ê li Xakurkê li dijî artêşa Tirk çalakiyek li dar xistiye û di çalakiyê de leşkerek hatiye kuştin.
Di daxuyaniya HPG’ê de ev tişt hate diyarkirin:“Hêzên me di çarçoveya Pêngava Şoreşgerî ya Şehîd Bager û Şehîd Ronya de di roja 30’ê tîrmehê saet 12.30’an de li dijî yekîneya operasyonê ya artêşa TC’ê ya dagirker ku li Girê Şehîd Derwêş ya herêma Xakurkê ya Herêmên Parastinê yên Medyayê bi cih bûbûn, çalakiya sekvanî li dar xist. Di vê çalakiyê de leşkerekî dijmin hate kuştin.”
Li Bestayê şer
HPG’ê destnîşan kir ku di 28’ê tîrmehê de artêşa TC’ê ya dagirker bi desteka yekîneyên veşartî li herêma Çelê Sor a herêma Şehrîban a herêma Besta ya Şirnexê operasyon da destpêkirin. HPG’ê da zanîn ku şer qewimîye û ev agahî ragihand: “Heman rojê saet 12:40’an hêzên me bi yekîneyeke artêşa TC’ê ya dagirker re hatin pêşberî hev û şer derket. Di şerê li vê herêmê de hejmara kuştî û birîndarên dijmin nahate zelalkirin, 2 hevreyên me yên bi lehengî li dijî dijmin şer kirin şehîd bûn. Agahiyên têkildarî nasnameyên hevreyên me yên şehîd wê piştre bi raya giştî re werin parvekirin. Heman rojê bi şev operasyon ji herêmê vekişiya.”
Operasyona li Silopî bi paş ve hate kişandin
Bi berdewamî HPG’ê ev tirş ragihand: “Di 27’ê tîrmehê de artêşa TC’ê ya dagirker li herêma gundên Germik û Zêtka yên navçeya Silopya ya Şirnexê operasyon da destpêkirin. Heman rojê artêşa TC’ê ya dagirker herêm bombe kir û di sibeha 28’ê tîrmehê de leşker danîn herêmê. Ev operasyon heman rojê saetên nîvro bêyî encam bigire paş ve vekişiyaye. Artêşa TC’ê ya dagirker bi rêya medyaya xwe nûçeyên derew yên windahiyên gerîla di operasyonê de servîs dike. Di operasyonê de tiştek bi hêzên me nehatiye.”
Êrîşên hewayî
HPG’ê li ser êrîşên hewayî jî ev agahî parve kir: “Di 31’ê tîrmehê (îro) saet di 07.30’an de balafirên şer ên artêşa TC’ê ya dagirker Girê Bahar ê li herêma Gundê Filleha û herêma Kunîşka yên herêma Zê ya Herêmên Parastinê yên Medyayê bombebaran kir. Di vê bombeberanê de tiştek bi hêzên me nehatiye.” BEHDÎNAN
