Hejmara kovara Newaya Jina a meha tebaxê bi manşeta ‘Mifteya xwegihandina civaka demokratîk, têkoşîna azadiya jinê’ derket
Hejmara meha tebaxê ya Kovara Newaya Jin bi manşeta ‘Mifteya xwegihandina civaka demokratîk, têkoşîna azadiya jinê’ derket. Di hejmara 173’yan kovarê de hevpeyvîna bi Parêzera Rêberê Gelê Kurd Abdullah Ocalan Newroz Uysal re heye.
Rojname bi taybetî bi mijarên ‘têkoşîna li dijî koletiya dîrokî ya jinê’ û ‘hewcehiya bi rêxistiniya resen a ji bo geşkirina xweparastinê ya di her qadê de ya jinê’ hatiye vekolan û tê ber xwendevanan.
Di rojnameyê de mirov dikare dîroka berxwedanê ya jina kurd, li Îranê rewşa jinê, bi perspektîfeke nû jineolojî, îstîsmara li ser zarokan, rojeva yekitiya netewî û başûrê Kurdistanê û gelek mijarên din bibîne.
Newroz Uysal ku pirsên rojnameyê bersivandiye, got ku têkoşîna azadiya jinê, ji ya ku tê texmînkirin zêdetir xwedî karîger e.
Perîhan Bacarû ji bo rojnameyê li ser îstîsmarkirina zarokan a li Tirkiyeyê, li ser tundî û windabûna zarokan nivîsiye.
Mizgîn Amed jî bi nivîsa xwe di rojnameyê de ye û dibêje ‘Îdeolojiya rizgariya jinê îro bûye kana hêviyê ji bo hemû jinan û bûye perspektîfa serek.’
Hevseroka PJAK’ê Zîlan Vejîn jî mijarên rojevê, dengê jinê ku li Îranê geş dibe û têkoşîna jinê ji bo rûpela kurdî ya rojnameyê nirxand.
Songul Talay jî di salvegera Fermana Şengalê de, di şexsê êzidiyan de polîtîkayên qirkirina jinan nirxand.
Di rojnameyê de her wiha nivîsa Jînda Denîz heye. Denîz bal kişandiye ser çanda berxwedanê ya jina kurd, li ser dastana lehengiyê ya Zarîfe û Elîşêr çanda lehengî û berxwedanê nivîsiye.
