Beriya bikeve kûrahiya mijarê divê mirov bizane bê ka çima K24 û Rûdaw hatin avakirin an jî li ser çi bingehî hatin avakirin? Ev Tv ne hema carekê ve hatin avakirin û ji bo bibin deng û rengên civakê.
Ev tv bi desteka îstîxbara û MÎT’a tirk ve hatin avakirin û ji bo bikarin bandora weşanên Çapemeniya Azad a Kurd li ser xwe bidin kêmkirin. Her wiha berê jî ji bo bandora Medya Tv kêm bikin bi desteka tirk li başûrê Kurdistanê qenala televîzyonê ya Kurdistan Tv û Kurdsat tv hatin vekirin. Her wiha her ku çû nekarîn pêşî li pêşketin û rastiyan bigirin ji bo alternatîfeke hê xurtir li dijî çapemenî û Tv’yên kurdî bigirin bi desteka îstîxbarat û MÎT’ê Rûdaw a destpêkê rojname bû, di carekê de weke Tv, rojname, radyo û weşaneke nû derketin, ne hema ji rêzê û tesedûfek bû. Jixwe bi belgeyan derketin holê bê ka bingehê wê kê daniye? Ev qenal ji bo rastiya heyî bi rengekî cudatir bênîşandan ji aliyê rêveberên ajansa dewletê Ajansa Anadolûyê ve hatin danîn û hemû xebatên wê jî ew bi plan dikin û heta di asta jor de li ber destê wan hatin perwerdekirin. Heta polîtîkaya wê ya weşanê ew diyar dikin.
Her wiha destê dijmin ewqasî li noqa me geriyaye bi deng û rengê me êrîş me dike û rastiya li ber çavê me berovajî dike. Her wiha ajansa Anadolû ya ku nikare bi weşanê xwe bike, bi rêya K24 û Rûdawê bi hêsanî bi destê kesên xwe bi pênc qurîşan difiroşin dike. Her derfet ji bo wan hatiye dayîn qaşo weşangeriyeke bi edalet û etîk dikin, roj bi roj li dijî gelê kurd û Tevgera Azadiya Kurd bêrêzî û weşanên derexlaqî weşangeriyê dikin. Van weşananan rûmeta weşangeriyê li bin lingan daye û bûne eyneya qirêj a weşangeriyê.
Bi taybet di her demê de ku agirê berxwedanê û serketinên baş bi berdêlan tên bidestxistin, ev weşan dikevin pey lîstikên qirêj û rojeva heyî dixwazin vegûherînin û bibin kelem. Ji ber van kiriyaran qenala Rûdaw di nava civakê de bûye ‘Rûderew’ ewqasî derew li ser weşanê xwe dikin, êdî di nava civakê de weke qenaleke derewan tê nasîn û kes bawerî pê naîne.
Xwedî weşangeriyeke evqas kirêtin, bi ser re jî radibin li dijî kesayet û pêşengên gelên kurd ketine pey propagandayên reşkirinê. Em li weşanên wan binêrin ferqekî pir biçûk ji ajansa Anadolûyê heye, gelek sernav û manşetên wan yek in. Anadolûya Başûr Rûdaw-K24 in. Li piranî bernameyên wan binêrin û kesên dikin mêhvan kesên ku ketî û nikarin du qiseyan bibêjin in. Hema yekser êrîş dikin, jixwe li bêjeran binêrî ferqa wan û bêjerên tirkî nakin, bi pirsên dikin dixwazin ew kes li dijî Tevgera Azadiyê bidin axaftin.
Ne tenê ev herdu weşan gelek weşanên din, bi weşanên xwe xizmeta dagirkeriyê dikin. Mînaka herî berbiçav ew e ku îro dagirkeriyeke pir dijwar li ser Kurdistanê heye, weke ku tiştek tuney weşanê dikin. Li aliyê din ê cîhanê bûyerek hebe, ev qenal bi zindî didin, sînorê Kurdistanê her roj tê bombekirin sivîl tên qetilkirin ji nedîtî ve tên. Dema didin jî bi zimanê tirkan weşanê dikin. Ango ‘Li sînor li baregehên PKK’ê hatin dayîn’ nûçe servîs dikin. Weşanên tirkan nabêjin me li sivîlan da, ev weşan jî xwe bêdeng dikin. Weke ku wê bikarin vê rastiyê veşêrin. Bi dehan welatiyên sivîl tên qetilkirin, ne hikûmet û ne jî ev weşan deng ji xwe tîne. Gelo ev weşan li gorî çi rêgezê kar dikin? Di xizmeta çi aliyan de hatine wezîfedarkirin? em lê dinerin ji bo sorkirina gel sed teqleyan diavêjin. Ji bo mijarên provakatîv û berovajîkirina rastiyan bûne hoste. Gotinên Pêşengên Tevgera Azadî û yên siyasî digirin û ji bo sorkirina gel bi rojan dikin rojev û vî alî wî alî dikişînin. Hinek jî bi qasî serê derziyê aqil li seran tuneye, radibin li ser van ekranan diaxivin û analîzan dikin.
Ev weşangerî û kesên dikin mêhvan asta weşangeriya xwe nîşanî dinya alemê didin. Kesên weşangeriyê dikin û dibin mêhvan tu exlaqekî yên wan ên civakî tuneye û tenê xwefiroşên pênc qûrîşan in. Ew çi bikin bila bikin wê nikarin rastiya berovajî bikin û wê nikarin gel bixapîne. Jixwe ya niha li holê wê dide nîşandan ku çi jî bikin encamgir nabe. Ji bo wê her tim rojeva wan dijminahiye ku bikarin gel bixapînin.
