Li gorî DYA’yê hevdîtinên ku bi Talîbanê re li Qeterê tên kirin ‘gelekî erênî’ ne.
Talîban ku piştî destwerdana leşkerî ya sala 2001’ê li qadên çiyayî yên Afganistan û Pakistanê bi cih bû gelek deverên li bejahiya Afganistanê kontrol dike.
Artêşa Afgan 18 sal in bi piştgiriya welatên NATO’yê bi taybetî Emerîkayê têdikoşe, lê di vê têkoşînê de bi giranî di pozîsyona parastinê de tevgeriya.
Hevdîtin ‘erênî ne’
Di navbera Talîbanê û DYA de sala derbasbûyî hevdîtinan dest pê kirin. Tûra 8’emîn a hevdîtinan Şemiyê dest pê kir û tê gotin ku pêşketinên cidî hene.
Nûnerê Taybet ê DYA’yê yê ji bo Afganistanê Zalmay Halilzad diyar kir, piştî pêşketina hefteya derbasbûyî ya li Kabîlê li bajarê doha yê Qatarê hevdîtin gelekî erênî derbas bûne.
Halilzad di ser twitterê re agahî weşand û ragihand, li Dohayê di hevdîtinan de ji bo pêkhatina peymaneke aştiyê ya mayinde ew giraniyê didin ser mijarên xitimî.
Halilzad anî ziman, peymana aştiyê ya bi Talîbanê re wê bibe sedem ku hêzên Emerîkî yên li Afganistanê bi ‘şert’ xwe vekişînin û got, “Pêşketineke gelekî baş pêk hatiye.”
Halilzad anî ziman ku di aştiyeke gengaz a li Afganistanê de ji bo pêkhatina konsensusa navneteweyî, ji bo hevdîtinan wê biçe paytexta Hindistan Delhî ya nû. DOHA
