Kampa Çemişko ya qezaya Zaxo ya Duhokî ke koçberê Şengalî tede cuyenî de şewat vejîya. Şewat vera tewr tay 15 konî veşayî
Kampa Çemişko ya qezaya Zaxo ya Duhokî ke koçberê Şengalî tede cuyenî de saetanê serê sibayî 07.00î de şewat vejîya. Goreyê xebera Ajansê Rojnewsî şewat têlê cereyanî vera vejîyayo û netîceyê şewatî de tewr tay 15 konî tewrê kelupelanê zereyê înan veşayî. Sewbîna goreyê malumatanê ke ameyî herînayene seba ke ekîbê adirhewnakerdişî erê ameyo cayê hedîse şewat demêko kilm de vila bîyo.
Ame dîyarkerdene ke goreyê malumatanê ke Rayîrberîya Pawitişê Şaristanîyan ya Duhokî ra ameyî herînayene sebebê şewatî hema nêameyo zelalkerdene.
