Zîndanê Xarpêtî de tewrê rojnameger Mehmet Guleşî 8 hepsîyê neweşî nênê tedawîkerdene
Zîndanê Xarpêtî yê bi Asayîşê Berzî yê Hûmara 1. de binpaykerdişê heqan dewam kenê. Ame zanayene hepsîyê ke vera tecrîdê serê Rayberê PKKyî Abdullah Ocalanî kewtî girevê vêşanîye nênê tedawîkerdene. Qismêkê hepsîyan sewqê nêweşxaneyî nêbîyê, ê ke ameyî berdene bi nêweşxane ê zî bi sebeko bi kelepçeyan ameyî mûayenekerdene tedawîya înan nêmaye kerdene. Rojnameger Mehmet Guleşî derheqê binpaykerdişê heqanê Zîndanê Xarpêtî de Ajansê Mezopotamya (MA) rê mektûbek şawite û nê pare kerdî: “Dimayê çalakîya grevê vêşanîye ma 8 embazan de problemê çimanî vejîyayî werte. Riyê mûayeneyê bikelepçe ra rixmo ke sewqê ma nêweşxaneyê kampûsî rê bîyo ma tedawî qebûl nêkerde. Reyna binpaykerdişê heqanê bingeyênan zî dewam kenê.” XARPÊT
