Komeleya Kultur û Piştîdayîşê Sosyal ya Dewa Topallarî cayanê bimbarekî yê Dêrsimî zîyaret kerde. Komele dîyar kerde ke îlankerdişê raşteyê madenî seba Dêrsimî felaket o
Komeleya Kultur û Piştîdayîşê Sosyal ya Dewa Topallarî ya pabesteyê qezaya Îmrali ya Sêwazî cayanê bimbarekî yê Dêrsimî zîyaret kerde û tirbeyan ser de qurban daye. Serekê komeleyî Umît Şahînî dîyar kerd ke ê sey koçgirîyan dêrsimijan reyde eynî dejan ancenî.
Şahînî qiseykerdişê xo de bale ant îlankerdişê raşteyê madenî ser û wina va: “Ma cayanê bimbarekan zîyaret kerd. Ma şîyî zîyaretê Duzgun Baba û Munzur Babayî û îbaret kerd. Dêrsim ma yî, ma zî Dêrsim î. Bawerîya ma pêroyine yew a. Dêrsim hetê rindîya xozayî de cayêko muazzam o. Nê cayê rindî seba rantan sey raşteyê madenî yenî îlankerdene. Ganî seba nê cayan têkoşîn bêro dayene.” DÊRSIM
