Gerîlayên HPG û YJA Starê li Çelê çalakî pêk anîn. HPG’ê têkildarî çalakiyên gerîla daxuyaniyek da
Navenda Ragihandin û Çapemeniyê ya HPG’ê der barê çalakiyên gerîlayên HPG û YJA Starê de daxuyaniyeke nivîskî weşand. HPG’ê aşkera kir ku gerîlayên wan di çarçoveya Pêngava Şoreşgerî ya Şehîd Bager û Şehîd Ronya de di 11’ê tebaxê saet 14.00’an de li navçeya Çelê ya Colemêrgê li dijî artêşa TC a dagirker a li ser Girê Koordîne çalakiyek pêk anîn. HPG’ê aşkera kir ku di vê çalakiyê de ku derb li çeperên leşkerên tirk hatiye xistin lê hejmara leşkerên mirî û birîndar nehatiye zelalkirin.
Çalakiya sûîqestê
HPG’ê destnîşan kir ku hêzên wan yên gerîlayên YJA Starê di 10’ê tebaxê, saet di 10:00’an de li Çelê ya Colemêrgê li dijî leşkerên artêşa tirk ên li Girê Stuna çalakiyeke sekvaniyê pêk anîn. HPG’ê da zanîn ku hejmara leşkerên mirî û birîndar ên di vê çalakiyê de jî nehatiye zelalkirin.
Êrîşên bi balafirên şer
HPG’ê di dawiya daxuyaniya xwe de jî li ser êrîşên hewayî ev agahî parve kir: “Balafirên şer ên artêşa tirk bombe li Herêmên Parastinê yên Medyayê barandin. Balafirên şer di 9’ê tebaxê de şev bombe li derdora gundê Yekmalê yê herêma Garê û qada Xanturê ya herêma Heftanînê barandin. Balafirên şer di 10’ê tebaxê saet di 15.00’an de bombe li qadên Kunişka, Saca û Cîlo yê Biçûk ên herêma Zapê barandin.” BEHDÎNAN
