Parlamenterê Partîya Demokratîke ya Şaran (HDP) yê Amedî Hîşyar Ozsoyo ke beşdarê programê Şayîyê Hewayê Akerdeyî yê Şaredarîya Bajarê Girdî ya Amedî bi dîyar kerd ke şarê kurdî û HDP rixmê heme qewimîyayîşan semedê haştîye biqerar ê
Programê ‘Şayîyê Hewayê Akerdeyî’ yê Şaredarîya Bajarê Girdî ya Amedî ya ‘Cuye yê ma ya, vatiş ê ma yo’ dewam kenê. Çarçeweya aktîvîteyan de bînşewe hunermend Azad Bedran vejîya sehne. Verê konserî Parlamenterê Partîya Demokratîke ya Şaran (HDP) yê Amedî Hîşyar Ozsoyî roşanê şarî bimbarek kerd.
Ozsoyî vist vîrî ke Parka Koşûyolû xeylî wexto ke binê ablûqa de yo û va: “Nê hîrê serran peyênan de nê bajarî zaf zordarîye dîye. Roşan tam bi manaya xo tîya nênê pîrozkerdene. Mîyanê nê kaosî de bi nê aktîvîteye yeno waştene ke şar nefesêk bigêro, ma nêwazenê bi sîyasetî nayî bifatisnê. Çi heyf o ke heme alemê Îslamî û Rojakewetena Mîyanêne mîyanê gonî û de yê. Vera îradeyê haştîye yê şaranê Sûrîye bi tankanê ke sînoran de ameyî cakerdene û tehdîtanê şerî vernîya şahî û ûmidê roşanî zî ameya girewtene. Rika naye Kurdî û HDP amadeyê ke destê haştîye hawa ra tepişê. Ma ûmid kenê ke naye ra tepîya roşanan de merdimî qurban nêbênê.” AMED
