Rahmî Turgut ê li Urmiye ya Îranê hat girtin û 20 meh cezayê girtîgehê lê hat birîn, 29 meh in girtî ye. Turgut, li gel ku cezayê wî xelas bûye jî nayê berdan. Turgut, ji ber ku nayê berdan 25 rojin di rojiya mirinê de ye
Rahmî Tûrgut ku di 28’ê Nîsana 2017’an de ligel 3 hevalên xwe di deriyê Bajirgê yê Gevera Colemêrgê re derbasî Îranê bû û li Ûrmiyê hatin girtin, rastî 20 meh ceza hatibû. Turgut, ku 9 meh cezayê wî xelas bûye û nayê berdan, li Girtîgeha Urmiye dest bi rojiya mirinê kir. Birayê Turgut Fuat Turgut, bertek nîşanî rayadarên Îranê da û xwest birayê wî bê berdan. Turgut, anî ziman ku ji ber birayê wî li dijî hiqûqê nayê berdan 25 rojin ketiye rojiya mirinê û heta ku neyê berdan dest ji çalakiya xwe bernade. Turgut, destnîşan kir ku hêj sedema girtina birayê wî jî ne diyar e û wiha got: “Di 28’ê nisana 2017’an de li Urmiye hat binçavkirin û girtin. Me wê demê 43 rojan agahî jê negirt.”
Turgut, bang li parazvanên mafên mirovan kir û xwest têkildarî mijarê gavan bavêjin. Turgut da zanîn ku wan serî li Sefaretxaneya Tirkiye da û xwest birayê wî bê berdan û wiha got: “Herî dawî dema min bi birayê xwe re hevdîtin kir 17 kilo winda kiriye. Niha birayê min rastî gefan tê. Em bang li parazvanên mafên mirovan û hiqûqnasan dikin ku gavan bavêjin.” Turgut, piştre serî li ÎHD’a Wanê da. WAN
