Walîyê Wanî Mehmet Emîn Bîlmezo ke sey qayûm tayînê Şaredarîya Bajarê Girdî ya Wanî ame kerdene, karê ci yê ewil dês de aliqnayîşê fotografê Serekkomar Erdoganî bî
Wezîrîya Karê Zerre hemşaredaranê bajaranê girdî yê Amed, Mêrdîn û Wanî wezîfe ra girewte û qayûm tayînê herinda înan kerde. Walîyê Wanî Mehmet Emîn Bîlmezî sey qayûm tayînê herinda Hemşaredara Wanî Bedîa Ozgokçe Ertane ame kerdene. Qayûm Bîlmezî saetanê serê sibayî de şî awanîya Şaredarîya Bajarê Girdî ya Wanî. Bîlmezî sey karê ewilî fotografê Serekê Pêroyî yê AKPyî û Serekkomar Erdoganî bi destanê xo aliqna dêsê şaredarîye û odeya meqamî ya şaredarîye. WAN
