Piştzî ku rejîma Sûriyeyê ketin nava Xan Şêxûnê ku herême stratejîk a Îdlibê ye, çeteyên Enqereyê ji Xan Şêxûn û sektorên li bakurê Hamayê vekişiyan.
Li gorî Saziya Çavdêriyê ya Mafên Mirovan a Sûriyeyê, komên çete Sêşemê ji gelek herêmên girîng vekişiyan.
Saziyê ragihand, komên çete ji Xan Şêxûn û ji sektorên li bakurê wîlayeta Hamayê vekişiyane. Li herêma li Hamayê nuqteyeke çavdêriyê ya Tirk hebû.
Dewleta Tirk Duşemê ji bo piştgiriyê bide komên çete yên El Qaîdeyê yên li Xan Şêxûnê konvoyeke ji 50 wesayitên zirxî şandibû herêmê. Lê belê balafirên şer ên Rûsya û Sûriyeyê bombe li konvoyê barandibûn.
Hêzên rejîma Sûriyeyê Yekşemê ketibûn nava bajarê Xan Şêxûnê. Hêzên rejîmê di sala 2014’an de kontrola Xan Şêxûnê winda kiribû.
Beşeke mezin a herêma Îdlibê û hin herêmên Heleb, Hama û Lazkiyeyê ji aliyê komên çeteyan ve hatine dagirkirin. Rejîma Enqereyê piştgiriya van çeteyan dike.SÛRIYE
