Amed de verê eşkerayîya HDPyî polîsan rayîrê ke vejîyenê şaredarîye girewtî. Polîs hêrişê şarî keno, xoverdayîşê şarî dewam keno
Verê eşkerayîya HDP’yî ya derheqê xespkerdişê şaredarîyanê Bajaranê Girdan yê Amed, Wan û Mêrdînî polîsan şaredarîye girewte binê ablûqa.
Partîya Demokratîke ya Şaran (HDP) vera xespkerdişê şaredarîyanê Bajaranê Girdan yê Amed, Wan û Mêrdînî bi tewrbîyayîşê hemserekê Pêroyî yê HDPyî Sezaî Temellî, parlamenteran û heme hemşaredaran eşkerayîyêk organîze kerde. Verê eşkerayîye polîsan rayîrê ke vejîyenê şaredarîye girewtî û şaredarîye û dormeyê ci girewtî binê ablûqa. Yenîşehîr de polîsan hêrişê şarî kerd. Temellî û parlamenterê ver bi şaredarîye rayra şinê. Şar semedê wayîr vejîyayîşê îradeyê xo xover dano.
Reyna wesayîtê ke bajaranê bînan ra yenê vernîya înan yenî girewtene. Parlamenter Hîşyar Ozsoyo ke Çewlîg ra yeno Amed wesayîtê ci Erganî de mewkîya Degîrmen Dere de qereqol de ameyî vindetene û destûra şîyayîşî nêdîyeno ci. AMED
